شیخوپورہ(نمائندہ خصوصی) مسلم لیگ (ن) سٹی کے نائب صدر شہبا زچھینہ نے صحافیوں سے گفتگو کرتے ہوئے کہا کہ ڈسکہ ضمنی انتخابات میں مسلم لیگ (ن) کی شاندار جیت سے ثابت ہوچکا کہ ڈسکہ کے عوام میاں محمد نواز شریف سے والہانہ محبت اور ا نکے بیانیہ کو تسلیم کرتے ہیں، پہلے بھی مسلم لیگ (ن) کامیاب ہوئی تھی عوام نے نہ صرف ضمنی الیکشن میں اپنے ضمیر کے مطابق ووٹ دیا ہے بلکہ اپنے ووٹ پر پہرہ بھی دیا ہے ، نواز لیگ کا ووٹ چوری کرنے والے اب شرمسار ہورہے ہیں ، عوام نے ملک میں مہنگائی و غربت اور تنگ دستی و بے روزگاری کو مسلط کرنے والے بے حس و عوام دشمن حکمرانوں کو بے نقاب کردیا ہے اگر ملک میں 2018کے عام انتخابات فری اینڈ فیئرہوتے تو نواز لیگ ملک بھر میں کلین سویپ کرتی، انہوں نے کہا کہ موجودہ حکمران اپنی عوام دشمن پالیسیوں کی بدولت عوام میں اپنا اعتماد اور وقار کھو چکے ہیں۔