روما فٹبال کلب کے کھلاڑی کرس سمالنگ کے گھر ڈکیتی
لاہور(سپورٹس ڈیسک)روما فٹ بال کلب کے کھلاڑی کرس سمالنگ کے گھر ڈاکہ ‘مسلح افراد قیمتی اشیاء لوٹ کر فرار ہوگئے ۔ مانچسٹریونائٹیڈ کے سابق کھلاڑی اور روما کے دفاعی کھلاڑی کے گھر گزشتہ روز صبح سویرے تین مسلح افراد گھس آئے ‘کرس سمالنگ اور فیملی کو یر غمال بناکر لوٹ مار شروع کردی ۔ رپورٹ کے مطابق ڈاکو قیمتی گھڑیاں اور زیورات لوٹ کر فرار ہوگئے ۔مقامی پولیس صبح پانچ بجے متاثرہ گھر پہنچی اور تحقیقات کا آغاز کر دیا ۔ واقعہ میں کوئی جانی نقصان نہیں ہوا۔سمالنگ ڈکیتی پر بہت زیادہ پریشان تھے تاہم اب وہ ٹھیک ہیں ۔
