لاہور(سپورٹس ڈیسک) جنوبی افریقہ کرکٹ ٹیم کے ہیڈ کو چ مارک بائوچر نے پاکستان کے خلاف ٹی ٹونٹی سیریز سمیت دیگرسیریز میں بھی شکست کی ذمہ داری قبول کرلی ۔ پروٹیز کو گزشتہ گیارہ سیریز میں سے آٹھ سیریز میں شکست کا سامنا کرنا پڑ اہے ۔ انہوں نے کہا کہ پاکستان کیخلاف شکست کی ذمہ داری قبول کر تاہوں ۔ شکست پر بہت مایوسی ہوئی۔ فی الحال بہت زیادہ افسردہ ہوں ۔ میرے ساتھ ٹیم مینجمنٹ اور کوچنگ سٹاف کے بھی یہی تاثرات ہیں ۔ سیریز کیلئے بہت زیادہ محنت کی تھی ۔ میں سمجھ سکتا ہوں کہ گزشتہ کچھ عرصہ سے کسا ماحول فراہم کیا گیا ہے ۔ سخت محنت جاری رکھیں گے ۔ ٹیم میں سینئر کھلاڑی بھی موجود نہیں تھے جس کا کارکردگی پر اثر پڑا۔ اچھا یہ بھی ہوا کہ نئے کھلاڑیوں نے اچھی کارکردگی کامظاہرہ کیا ہے ۔ کھلاڑیوں کا بڑا سکواڈ بنانے کا منصوبہ تیار کرلیا ہے ۔ کھلاڑیوں کو دوبارہ اکٹھا کرکے فٹنس اور کارکردگی پر توجہ دینگے ۔ تسلیم کرتا ہوں کی ٹیم کے نتائج اچھے نہیں ‘لڑکوں نے جیتنے کیلئے محنت کی تاہم ناکام رہے جس سے مایوسی ہوئی ہے ۔ ہمارے ساتھ ساتھ عوام بھی مایوس ہے ۔ کھلاڑیوں پر کوئی دبائو نہیں تھا ۔ اب دو ماہ کیلئے ہماری کرکٹ نہیں اس لئے کھلاڑیوں کو جمع کرکے خامیاں دور کرینگے ۔