اسلام آباد (خبر نگار خصوصی) وزیراعظم عمران خان نے کہا ہے کہ کراچی میں شوکت خانم ہسپتال کی تعمیر طے شدہ وقت میں مکمل ہو جائے گی اور  ان شاء اللہ اسے 2023 ء میں کھولاجائے گا۔ گزشتہ روز وزیراعظم نے زیر تعمیر  عمارت کا دورہ بھی کیا۔ ٹوئٹر پر ایک پیغام میں وزیر اعظم عمران خان کا کہنا تھا کہ شوکت خانم ہسپتال کراچی حجم کے اعتبار سے لاہور ہسپتال سے دوگنا بڑا ہے۔ شوکت خانم کراچی، سندھ اور جنوبی بلوچستان کے عوام کو بہترین طبی خدمات فراہم کرے گا۔ وزیراعظم عمران خان نے سوشل میڈیا پر ہسپتال میں جاری تعمیراتی کاموں کی تصاویر بھی شیئر کیں۔