شہباز شریف کی ضمانت سے ہمیں کوئی فرق نہیں پڑتا: طالب حسن نکئی
پھول نگر (نامہ نگار)ایم این اے سردار طالب حسن نکئی،اسسٹنٹ کمشنر پتوکی اسامہ شرون نیازی ،اسسٹنٹ کمشنر چونیاں رضوان الحق ،اپوزیشن بلدیہ کونسلر اصغر جوئیہ اور فوکل پرسن ٹائیگر فورس فہیم احمد جوئیہ نے سستا رمضان بازار پھول نگر کا دورہ کیا اور وہاں پر چیزوں کی کوالٹی چیک کی اس موقع پر سرادار طالب حسن نکئی نے کہ رمضان بازاروں میں چینی ، آٹا ، دالیں ، سبزیاں سستے داموں فروخت کر کے تحریک انصاف کی حکومت نے عوام کی امنگوں کی ترجمانی کی ہے عوام کو اشیا مقرر قیمتوں پر ملیں اس لیے خود رمضان بازاروں کے دورے کر رہا ہوں اور خود عوام سے رابطے میں ہوں انہوں نے کہا کہ رمضان بازاروں کا عملہ رمضان بازاروں میں صفائی کا خاص خیال رکھیں اور ماسک کا استعمال یقینی بنائیں۔ انھوں نے کہاکہ کرونا ایس او پیز پر مکمل عمل درآمد کرنا ہے تاکہ اس وبا سے بچا جا سکے۔ سردار طالب نکئی نے کہا کہ شہباز شریف کی ضمانت سے ہمیں کوئی فرق نہیں پڑتا ہماری اصولوں اور خدمت کی سیاست ہے اور اپوزیشن کرپشن ، منافقت اور جھوٹ کا پلندہ ہے۔اس موقع پر اپوزیشن بلدیہ کونسلر اصغر جوئیہ ،فوکل پرسن ٹائیگرفورس فہیم جوئیہ نے کہا کہ وزیراعظم عمران خاں کا کفالت پروگرام کی پوری دنیا نے تعریف کی ۔
