ٹنڈو محمد خان‘ فیروز والا (آئی این پی + نامہ نگار) بلڑی شاہ کریم کے قریب گوٹھ عبداللہ رند سے لاپتہ ہونے والے13 سالہ طالب علم کی نعش جھاڑیوں سے مل گئی۔ آٹھویں جماعت کا طالب علم 13 سالہ بچو کوہلی گزشتہ روز لاپتہ ہوگیا تھا۔ پولیس کے مطابق مقتول کو مبینہ طور زیادتی کے بعد اسی کے کمر بند سے گلا گھونٹ کر قتل کیا گیا ہے۔ رپورٹ درج کر کے پوسٹ مارٹم کے بعد نعش ورثاء کے حوالے کر دی گئی ہے۔ فیروز والا سے نامہ نگار کے مطابق تھانہ فیکٹری ایریا کے علاقہ مسن میں ملزم اشرف نے زمیندار کے ملازم کے گھر داخل ہو کر اس کی بیوی کے ساتھ زیادتی کر ڈالی۔ ملزم کے خلاف مقدمہ درج کر لیا گیا ہے۔