ہرارے(بی ایل آئی نیوز )  قومی کرکٹ ٹیم کے وکٹ کیپر بلے باز محمد رضوان نے کہا ہے کہ زمبابوے کی ٹیم کو پہلے ٹی -20 میچ کی طرح پہلے ٹیسٹ میچ میں بھی شکست دیکر دو میچوں کی سیریز کا آغاز فاتحانہ انداز میں کریں گے،ٹیم میں ایسے کھلاڑی موجود ہیں جو کسی بھی وقت میچ کا پانسہ پلٹنے کی صلاحیت رکھتے ہیں،میزبان ٹیم کے خلاف ٹیسٹ سیریز کے پہلے میچ میں شرکت کے لئے بے تاب ہوں ۔ تفصیلات کے مطابق قومی کرکٹ ٹیم کے وکٹ کیپر بلے باز محمد رضوان نے اپنے بیان میں کہا ہے کہ  ہماری ٹیم زمبابوے کو ٹی -20 سیریز کی طرح ٹیسٹ سیریز میں بھی شکست سے دوچار کرے گی، میں  زمبابوے کے خلاف پہلے ٹیسٹ میچ میں شاندار کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کر وں گا ۔