گوجرانوالہ(نمائندہ خصوصی)راہنما پی ٹی آئی امیدوار پی پی 58 خان کلیم اللہ خان نے کہا کہ کرونا کی وجہ سے پیدا شدہ آفت کی اس گھڑی میں ہر ایک کو بہترین کردار ادا کرنا ہوگا، چیمبر پہلے دن سے ہی پوری طرح فعال اور کرونا کا پھیلاو روکنے کے لیے اپنا بہترین کردار ادا کررہا ہے کرونا کی روک تھام کیلئے چیمبر بہترین کردار ادا کررہا ہے۔ اپوزیشن کی جانب سے کرونا کے قومی چیلنج پر سیاست چمکانا افسوسناک ہے، ان خیالات کا اظہارانہوں نے سابقہ صدور چیمبر آف کامرس میاں سلیم شیخ ،میاں عمر سلیم ، صدر جعمیت شیخ حافظ بدر منیر شیخ کے ساتھ گفتگو کرتے ہوئے کیا انہوں نے کہا کہ حکومت نے کرونا کی تیسری لہر سے نمٹنے کیلئے ہر ضروری اقدام کیا ہے سیاست چمکانے والوں کی عقل پر ماتم ہی کیا جا سکتا ہے۔ اس سنگدل ٹولے نے پہلے بھی عوام کی زندگیوں پر سیاست چمکائی اور اب بھی یہ وہی قابل مذمت حرکت کر رہے ہیں میاں سلیم شیخ  نے خان کلیم اللہ خان کو اس بات کی یقین دہانی کروائی ہے کہ گوجرانوالہ شہر کی ترقی کے لیے بزنس کمیونٹی ہر وقت آپ کے ساتھ کھڑی ہو گی انہوں نے کہا کہ کرونا کی وجہ سے پہلے ہی صنعت و تجارت کو بھاری مالی نقصان ہواجبکہ اس سے ہزاروں قیمتی جانوں کا ضیاع بھی ہوچکا ہے ۔