گوجرانوالہ: مبینہ پولیس مقابلے میں ڈاکو ساتھیوں کی فائرنگ سے ہلاک
گوجرانوالہ(نمائندہ خصوصی) تھانہ کھیالی کے علاقہ میں ڈکیتی مزاحمت پر فائرنگ کا معاملہ ، پولیس کی زیر حراست ملزم مبینہ پولیس مقابلے میں ہلاک ۔ڈکیتی کی سی سی ٹی وی ویڈیوبھی منظر عام پر آ گئی ،گزشتہ روز تھانہ کھیالی کے علاقہ شیخوپورہ روڈ پر دوران ڈکیتی ڈاکو اور تاجر جاں بحق ہو گئے تھے۔ دوران مزاحمت ایک ڈاکو شہزاد زخمی ہوا جسے پولیس نے گرفتار کر لیا ۔ ہلاک ڈاکو بنیامین کے ساتھی شہزاد کو پولیس دیگر ساتھیوں کی گرفتاری کے لیے لیجا رہی تھی کہ جناح روڈ پر مبینہ پولیس مقابلے میں ڈاکو ہلاک ہو گیا۔ پولیس کے مطابق شہزاد کو اس کے دیگر ساتھیوں کی گرفتاری کے لیے جاتے وقت ملزمان نے پولیس پارٹی پر فائرنگ کر دی جس میں شہزاد اپنے ہی ساتھیوں کی فائرنگ سے ہلاک ہو گیا۔
