لاہور(سپورٹس رپورٹر)دنیا کے نمبر ون ٹی ٹونٹی بائولر تبریز شمسی سپنر نے پی ایس ایل کھیلنے کیلئے رضامندی ظاہر کر دی۔وہ ضرور پی ایس ایل کھیلیں گے، وہ لیگز کو اہمیت دیتے ہیں اور پی ایس ایل کیلئے بھی تیار ہیں۔تبریز شمسی نے کہا کہ لیگز نے ان کے کیریئر میں اہم کردار ادا کیا ہے غیرملکی لیگز کھیلنے کے بعد ڈومیسٹک ٹیموں نے اہمیت دی اور پھر قومی ٹیم میں پہنچا۔سی پی ایل کی طرح دیگر لیگز کافی مددگار ثابت ہوئی ہیں، انگلش کاؤنٹی اور ڈومیسٹک ٹورنامنٹس سے آمدنی تو ہوتی ہے لیکن ایک ایسا حلقہ بن جاتا ہے جس میں بڑے کھلاڑیوں سے بات چیت کا موقع اور سیکھنے کو ملتا ہے۔انہی لیگز کی بدولت انہوں نے چھوٹی چھوٹی چیزیں سیکھیں جو اچھے سپنر بننے میں کارآمد ثابت ہوئیں۔