شیخوپورہ (نمائندہ نوائے وقت+نمائندہ خصوصی) چھٹا فلڈ لائٹ رمضان المبارک شہید بینظیر بھٹو فٹبال ٹورنامنٹ کا انعقاد کیا گیا جس میں ڈویژن بھر سے آٹھ ٹیموں نے حصہ لیا۔افتتاحی میچ سٹی مسلم کلب اور صدر راجپوت کلب ٹیموں کے مابین کھیلا گیا۔ کرونا وباء کے پیشِ نظر شائقین کو گرائونڈ میں آنے کی اجازت نہ دی گئی۔ فائنل میچ شاہدرہ کلب اور شیخوپورہ کلب کے مابین کھیلا گیا جس میں شاہدرہ کلب کی ٹیم نے  چار دوکے گول سے ٹائٹل جیت لیا ۔فائنل میچ کے مہمان خصوصی ٹکٹ ہولڈرقومی اسمبلی وسٹی صدر پاکستان پیپلز پارٹی سید ندیم عباس کاظمی،ضلعی نائب صدر چوہدری منیر قمر واہگہ، میڈیا کوارڈینٹرمیاں عدنان سعید و دیگر نے ٹیموں کو کیش پرائز اور ٹرافیاں دیں ۔