گوجرانوالہ(نمائندہ خصوصی) دھاتی ڈور کا بڑھتا ہوا استعمال بجلی کے ترسیلی نظام کو نقصان پہنچانے لگا ‘نیشنل ٹرانسمیشن اینڈ ڈسپیچ لمیٹڈ(این ٹی ڈی سی) کوریونیو کی مد میں کروڑوں روپے کا نقصان ڈی سی کالونی ‘راہوالی کینٹ ‘عالم چوک ‘علی پور روڈ ‘مرالی والا، پیپلز کالونی، باغبانپورہ،کنگنی والا و دیگر علاقوں میں پتنگ بازی سے سسٹم متاثر ہونیکا انکشاف ۔NTDC حکام کی ضلعی انتظامیہ سے پتنگ فروشوں اور پتنگ بازوں کیخلاف کارروائی کی درخواست تفصیلات کے مطابق گوجرانوالہ کے مختلف علاقوں ڈی سی کالونی ‘راہوالی کینٹ ‘عالم چوک ‘علی پور روڈ ‘منڈیالہ میر شکیراں ‘اعوان چوک ‘میتلا گائوں آبادی ‘مرالیوالی میں پتنگ بازی کے باعث این ٹی ڈی سی کی 500 کے وی اور 220 کے وی کی ٹرانسمیشن لائنوں کو ٹرپنگ کا سامنا کرنا پڑ رہا ہے ۔ جس سے عوام کو بجلی کی بندش کیساتھ ساتھ NTDC کو ریونیو کی مد میں کروڑوں روپے نقصان کا سامنا کرنا پڑ رہا ہے ۔ دھاتی ڈور کے بڑھتے ہوئے استعمال کے نقصان کے پیش نظر NTDC حکام نے پتنگ بازی کرنیوالوں کیخلا ف سخت کارروائی کیلئے ضلعی انتظامیہ سے معاملہ اٹھایا ہے اور NTDC ٹرانسمیشن سسٹم کو ٹرپ کرنے سے بچانے کیلئے پتنگ فروشی کے کاروبار میں ملوث افراد اور پتنگ بازوں کیخلاف کارروائی کرنیکی درخواست کی ہے ۔