لاہور (نوائے وقت رپورٹ) محکمہ موسمیات نے پیشگوئی کرتے ہوئے کہا کہ عیدالفطر پر ملک کے اکثر بالائی علاقوں میں بارش کا امکان ہے۔ تفصیلات کے مطابق محکمہ موسمیات نے جہاں عیدالفطر کے چاند کی پیشگوئی کی ہے وہیں موسم کی صورتحال سے بھی شہریوں کو آگاہ کرتے ہوئے بیان جاری کر دیا ہے۔ محکمے نے بیان جاری کرتے ہوئے کہا کہ عیدالفطر کے موقع پر ملک کے اکثر بالائی علاقوں میں گرج چمک کے ساتھ بارش کا امکان ہے تاہم میدانی و جنوبی علاقوں میں موسم گرم اور خشک رہے گا۔