وزیراعظم،شہزادہ محمد میں ملاقات،10سمجھوتے
جدہ+ اسلام آباد (امیر محمد خان+ خبر نگار خصوصی) وزیراعظم عمران خان 3 روزہ دورہ پر سعودی عرب پہنچ گئے۔ سعودی ولی عہد شہزادہ محمد نے کنگ عبدالعزیز ائر پورٹ پر پرتپاک استقبال کیا اور وزیراعظم کے اعزاز میں عشائیہ دیا۔ وزیراعظم کے ہمراہ وفد میں وزیر خارجہ شاہ محمود قریشی، وزیر داخلہ شیخ رشید احمد، آرمی چیف جنرل قمر جاوید باجوہ‘ گورنر سندھ عمران اسماعیل، گورنر خیبرپی کے شاہ فرمان، سینیٹر فیصل جاوید اور عبدالعلیم خان بھی شامل ہیں۔ ذرائع کے مطابق خاتون اول بشری بی بی بھی وزیراعظم کے ہمراہ ہیں۔ وزیراعظم سعودی ولی عہد محمد بن سلمان سے ملاقات کے بعد دونوں ملکوں میں5ایم او یوز پر دستخط ہوئے۔
