دبئی(اے پی پی) دبئی میں غیرملکیوں کے دوران  پرتشددجھگڑے کے نتیجے میں 3افراد ہلاک متعدد زخمی ہوگئے۔عرب ذرائع ابلاغ کے مطابق دبئی پولیس میں محکمہ برائے جرائم کے تحقیقات کے ڈائریکٹر ، بریگیڈیئر جمال سلیم الجالف نے میڈیا کو بتایا کہ کمانڈ اینڈ کنٹرول سنٹر کو نائف کو ایک گھر میں جھگڑے کی کال موصول ہوئی تھی لہذالوگوں کی زندگی کو محفوظ بنانے اور معاملے کی چھان بین کے لئے سکیورٹی فورس فوری طور پر جائے وقوعہ پر روانہ کر دی گئی۔انہوں نے بتایا کہ پولیس اہلکاروں کو موقع پر پہنچ کر 3 افراد کی لاشیں اور دیگر تین افراد شدید زخمی  حالت میں ملے جنہیں فوری طور پر ہسپتال منتقل کر دیا گیا  ہے۔انہوں نے مزید بتایا کہ دبئی پولیس نے ملزموں کی شناخت کے لئے ڈیٹا انیلیسیسس سنٹر میں جدید ترین ٹیکنالوجیز اور مصنوعی ذہانت کا استعمال کرتے ہوئے  واقعے کے 24 گھنٹوں کے اندر تمام ملزمان کو گرفتار کر لیا ہے جنہیں مزید قانونی کارروائی کے لئے دبئی پبلک پراسیکیوشن ریفر کیا جائے گا۔