میڈرڈ(سپورٹس ڈیسک)الیگزینڈر زویرو نے دوسری بار میڈرڈ اوپن کا ٹائٹل اپنے نام کر لیا۔ فیصلہ کن معرکہ میں انہوں نے میٹیو بریٹینی کو شکست دی۔ مینولو سینٹا سٹیڈیم، میڈرڈ میں کھیلے گئے مینز سنگلز مقابلوں کے فائنل میں عالمی نمبر 5 جرمنی کے الیگزینڈر زویرو نے اٹلی کے میٹیو بریٹینی کو سخت مقابلے کے بعد 1-2 سے شکست دی اور ٹائٹل اپنے نام کیا۔ ان کی جیت کا سکور 7-6 ، 4-6 اور 3-6 رہا۔ مارسیل گرانولرز اور ہوراکیو زیبالوس نے جیت کا سلسلہ برقرار رکھتے ہوئے میڈرڈ اوپن مینز ڈبلز کا ٹائٹل جیت لیا۔ فائنل میں انہوں نے نکولا میکٹچ اور میٹ پیوچ کو شکست سے دوچار کیا۔  مینز ڈبلز مقابلوں کے فائنل سپین کے مارسیل گرانولرز اور ارجنٹائن کے ہوراکیو زیبالوس نے سیکنڈ سیڈ کروشیا کے نکولا میکٹچ اور میٹ پیوچ کو دلچسپ مقابلے کے بعد 6-1 ، 3-6 اور 8-10 سے ہرا کر پہلی بار میڈرڈ اوپن مینز ڈبلز کا ٹائٹل اپنے نام کیا۔