187 اپر مال مسجد میں تکمیل قرآن پاک کی تقریب
لاہور (خصوصی نامہ نگار) ستائیسویں کی شپ 187 اپر مال مسجد میں تکمیل قرآن کی بابرکت تقریب ہوئی۔ تراویح میں حافظ بشر الرحمان اور حافظ بشیر الرحمان نے قرآن پاک سنایا۔ دونوں بچے انیب الرحمان کے فرزند اور معروف عالم دین اور سکالر مولانا فضل الرحمان بن محمد کے پوتے ہیں۔ ستائیسویں شب حافظ بشیر الرحمان نے قرآن پاک مکمل کیا بعد ازاں مختصر خطاب میں مولانا فضل الرحمان بن محمد نے قرآن کے فضائل بیان کئے‘ اور نہایت رقعت آمیز اور دلآویز انداز میں دعا کرائی۔ اختتام پر حاضرین کی مٹھائی اور مشروبات وغیرہ سے تواضع کی گئی ۔
