شیخوپورہ(نمائندہ نوائے وقت)چیئرپرسن چائلڈ پروٹیکشن اینڈ ویلفیئر بیورو سارہ احمد کی طرف سے ڈائریکٹر پروگرام کو تحریری طور پر ہدایت کی گئی ہے کہ فوکل پرسن چائلڈ پروٹیکشن اینڈ ویلفیئر بیورو رانا خضر حیات کو شیخوپورہ میںعوامی آگاہی کے سلسلہ میںشیخوپورہ کی ضلعی انتظامیہ کی مشاورت سے ہر ممکن معاونت یقینی بنائی جائے جبکہ چائلڈ پروٹیکشن اینڈ ویلفیئر بیورو کے امور سے عوامی آگاہی کی خاطر بینرز ، فلیکسز لگائے جائیںاس سلسلہ میں ہدایت کی جاتی ہے کہ فوکل پرسن کو ہر قسم کی سہولت فراہم کی جائے تاکہ وہ چائلڈ پروٹیکشن اینڈ ویلفیئر بیورو کے متعلقہ اپنی ذمہ داریاں سرانجام دے سکیں۔ جبکہ ممکن ہوتو اجلاسوں کے انعقاد پر توجہ دی جائے مگر ان میں کورونا ایس او پیز کو ہرگز نظر انداز نہیں کیا جانا چاہئے۔