اسلام آباد (این این آئی) وزیرمملکت برائے اطلاعات ونشریات فرخ حبیب نے کہا ہے کہ بلاول صاحب آپ کی صرف ہی قابلیت سامنے ہے وہ پرچی پر چیئر مین بننا ،سندھ کے حکمران میٹھی نیند سوتے رہے ، رمضان کے مہینہ میں بھی سندھ کے عوام  مہنگائی کی چکی میں پستے رہے ، سندھ میں اشیاء  ضروریہ کی قیمتوں کی نسبت عام مارکیٹ کی قیمتیں 85 فیصد زائد ہیںجو تشویشناک بات ہے ،اٹھارہویں ترمیم کے بعد قیمتوں کو کنٹرول کرنا صوبوں کی ذمہ دادری ہے۔وزیر مملکت اطلاعات ونشریات فرخ حبیب نے اپنے بیان میں کہاکہ بلاول صاحب آپ کی صرف ایک ہی قابلیت سامنے آئی ہے وہ پر چی  (وصیت )پر چیئرمین بننا مگر پچھلے 13 سال سے مسلسل  صوبائی حکومت ہونے کے باوجود سندھ کے غریبوں کی حالت ذار بہتر نہ کرسکے۔وزیر مملکت نے کہاکہ بلاول صاحب آپ اور آپکی سندھ حکومت کہاں پر ہے ذرا بتانا پسند کریں گے کہ کراچی، لاڑکانہ،سکھر اور حیدر آباد سمیت پورے سندھ کی عوام کو مافیا گرانفرشوں کے ہاتھوں کتنے میں فروخت کیا ؟