گوجرانوالہ(نمائندہ خصوصی)سوشل ویلفیئر ڈیپارٹمنٹ اور پنجاب پائلٹ پروجیکٹ ویلفیئر سوسائٹی کے تعاون سے چائلڈ پروٹیکشن ویلفیئر بیورو میں عید کے حوالے سے ایک تقریب کا اہتمام کیا گیا جس میں بچوں کے لیے مختلف گیمز کا انعقاد کیا گیا اور جیتنے والے بچوں میں انعامات تقسیم کئے گئے۔ تمام  بچوں میں عیدی، گفٹس اور کھانے کی چیز یں تقسیم کی گئیں۔ محمد عالم سوشل  ویلفیئر آفیسر اور پنجاب پائلٹ پروجیکٹ ویلفیئر سوسائٹی کے صدر احسن جاوید  نے کہا کہ یہ بچے پاکستان کا  مسقبل ہیں اور ریاست اور سول سوسائٹی کا فرض ہے کہ ان بچوں کا خیال رکھا جائے ان کو اپنی خوشیوں میں شریک کیا جائے تا کہ یہ بچے بھی سوسائٹی اور پاکستان کے لئے ترقی کا سبب بنیں۔چائلڈ پروٹیکشن ویلفیئر بیورو کے پبلک ریلیشن آفیسر خرم شہزاد نے اس موقع پر کہا کہ الحمداللّٰہ  چائلڈ پروٹیکشن اینڈ ویلفیئر بیورو  گوجرانوالہ میں  بچوں کے ساتھ عید کا دوسرا دن منایا گیا اور اپنی خوشیوں کو بڑھانے کے ساتھ ساتھ بچوں کی خوشیوں کو دوبالا کیا گیا۔ انہوں نے ان تقریبات میں تعاون کرنے والوں کیلئے بھی نیک خواہشات کا اظہار کیا۔