شیخوپورہ (نمائندہ خصوصی)شیخوپورہ اور گردونواح میں 24گھنٹوں کے دوران ڈکیتی چوری و راہزنی کی مختلف وارداتوں میں شہری نقدی ، موبائل فونز ، موٹر سائیکلوں و دیگر قیمتی سامان سے محروم ہوگئے۔ تھانہ سٹی اے ڈویژن کے علاقہ سول ہسپتال سے عمران کی موٹر سائیکل چوری ہوگئی، لاہور روڈ قریشی ہسپتال کے باہر سے نعیم کا موٹر سائیکل رکشہ چور لے اڑے، اسٹیڈیم پارک سے شہری مدثر کی بھی موٹر سائیکل چوری ہوگئی، آرائیانوالہ پلی کے قریب تین ڈاکوئوں نے عبدالرحمن سے گن پوائنٹ پر نقدی اور موبائل فون چھین لیا، ہاکی چوک میں بھی ایک راہگیر نعیم کو دو ڈاکوئوں نے لوٹ لیا، ارائیانوالہ میں ہی پومی بلوچ سے تین ڈاکوئوں نے 75ہزار روپے اور موبائل فون چھین لیا، گھنگ روڈ گلی نمبر 4میں چوروں کے گروہ نے وقار کے گھر سے لاکھوں روپے مالیت کے طلائی زیورات ، نقدی اور دیگر سامان چوری کرلیا۔