ماسکو(اے پی پی)روس نے سعودی عرب سمیت چار دیگر ممالک کے لیے 25 مئی سے پروازیں بحال کرنے کا اعلان کیا ہے۔سعودی عرب کے علاوہ آئس لینڈ، مالٹا ، میکسیکو اور پرتگال کے لیے پروازیں بحال کی جا رہی ہیں۔ روس میں کرونا وائرس کے پھیلائو کو روکنے کیلئے اقدامات کرنے والے روسی مرکز نے بیان میں کہا کہ مختلف ممالک کیلئے پروازوں کی بحالی کا فیصلہ اس ملک کی وبائی صورتحال کو مدنظر رکھ کر کیا جا رہا ہے۔روسی مرکز کا کہنا ہے کہ 25 مئی مئی سے سعودی عرب کے لیے روس کی پروازیں بحال ہو جائیں گی۔