لاہور (ماینٹرنگ نیوز) مایہ ناز ڈرامہ نویس، رائٹر، شاعر اور استاد ڈاکٹر طارق عزیز دل کا دورہ پڑنے سے انتقال کر گئے۔ ڈاکٹر طارق عزیز کا شمار سپیشل افراد میں ہوتا تھا۔ سرکاری ٹی وی کے لئے گیسٹ ہاؤس، راہیں سمیت بے شمار ڈرامے لکھے اور ایوارڈ بھی حاصل کئے۔ مرحوم 2 ماہ سے علیل تھے۔ ان کے مشہور ڈراموں میں بسیرا، گیسٹ ہاؤس، فیصلہ، نو بہار، آنکھ اوجل، زہر باد، آدھے چہرے، بدلتے راستے، کوئی تو ہو، معصوم پرندے جبکہ لانگ پلے ڈراموں میں پتلیاں، جنون، جگنو، پنجرہ، مداوا قابل ذکر ہیں۔ ڈاکٹر طارق عزیز نہ صرف گورنمنٹ کالج آف سائنس وحدت روڈ کے وائس پرنسپل رہے بلکہ وہ ایف سی کالج میں ایسوسی ایٹ پروفیسر بھی رہے۔ انہوں نے اردو لینگوئج اینڈ لٹریچر میں پی ایچ ڈی کی۔