لاہور (وقائع نگار خصوصی) کینٹ سے نامعلوم افراد نے 55سالہ زمیندار کو گاڑی سمیت بھاری تاوان کے لئے اغوا کر لیا۔ پولیس نے مقدمہ درج کر کے تفتیش شروع کردی- ذرائع کے مطابق ہیئر تھانے کی حدود حویلیاں کرباٹھ کا رہائشی اختر علی اپنی  گاڑی نمبر ایل ای بی 3536پر سوار ہوکر گھر سے کسی کام لیے نکلا اور پھر رات گئے تک گھر وآپس نہ آیا تو اہل خانہ کو تشویش لاحق ہوئی اور انہوں نے  تلاش شروع کر دی۔ پتہ چلا کہ گاڑی سے ٹریکر بھی اتارا جاچکا ہے۔ اسی دوران اخترکے بیٹے ذیشان کو موبائل نمبر 03095351264 سے کسی نامعلوم شخص کی کال آئی اور اس نے بتایا کہ ہم نے تمہارے والد کو اغوا کر لیا ہے۔ مغوی اختر سے اہل خانہ کی بات بھی کروائی اور اگلی کال کا انتظار کرنے کا کہہ کر فون بند کر دیا۔ اختر کے بیٹے ذیشان نے ہیئر پولیس کو اطلاع دی جو مغوی اختر کو تلاش نہیں کر سکی۔