پیپلز پارٹی پی ڈی ایم سے متعلق موقف پر قائم ہے، نیر بخاری
اسلام آباد (این این آئی)پاکستان پیپلزپارٹی کے سیکرٹری جنرل نیر بخاری نے کہاہے کہ پیپلزپارٹی پی ڈی ایم سے متعلق موقف پر قائم ہے۔ اپنے بیان میں انہوںنے کہاکہ چیئرمین بلاول بھٹو زرداری کا پی ڈی ایم سے متعلق موقف ایک اصولی موقف ہے۔ انہوںنے کہاکہ پی ڈی ایم کی بنیاد رکھنے والی جماعت کے ساتھ جان بوجھ کر جو کچھ کیا گیا وہ سب کے سامنے ہے،پیپلزپارٹی نے پی ڈی ایم کے پلیٹ فارم سے جو موقف اپنایا ضمنی انتخابات سے لیکر سینٹ انتخابات میں جو جو کامیابیاں حاصل ہوئی وہ بھی سب کے سامنے ہیں،پیپلزپارٹی ایک جہموری جماعت ہے۔ انہوںنے کہاکہ کسی کے ذاتی ایجنڈے کے لئے غیر جمہوری اور غیر پارلیمانی اقدامات کی حمایت نہیں کر سکتے۔
