لاہور(سپورٹس رپورٹر)ابوظہبی میں پاکستان سْپر لیگ کے بقیہ میچز کیلئے ملتان سلطانز، مایہ ناز آل راؤنڈر شاہد آفریدی کی انجری کے باعث خدمات سے محروم ہوگئی ہے، شائقین کو اس خبر نے جتنا دلبرداشتہ کیا وہیں سابق کپتان خود بھی دل شکستہ ہیں۔شاہد آفریدی نے ٹوئٹر پر انجری کے حوالے سے کہا کہ پی ایس ایل کے بقیہ میچز کیلئے ٹریننگ کے دوران مجھے کمر میں شدید تکلیف محسوس ہوئی۔ ڈاکٹر کو اس تکلیف کے حوالے سے بتایا تو انہوں نے چیک اپ کے بعد مجھے آرام کا مشورہ دیا ہے۔ بقیہ میچز میں اب میں ملتان سلطانز کی نمائندگی نہیں کرسکوں گا۔