لاہور(نامہ نگار)گرین ٹاؤن کے علاقے میں موٹرسائیکل سوارنوجوان نے فائرنگ کرکے50سالہ سوتیلے باپ کوقتل کردیا اور موقع سے فرار ہو گیا ہے ۔ تفصیلات کے مطابق گرین ٹاؤن کا رہائشی 50سالہ ندیم فجر کی نماز پڑھ کر مسجد سے گھرآ رہا تھا کہ راستے میں موٹرسائیکل سوار حنوک مسیح عرف جگنو نے ا س پر فائرنگ کر دی۔ جس کی زد میں آ کر ندیم موقع پرہی دم تور گیا ہے ۔پولیس نے نعش پوسٹ مارٹم کے لیے منتقل کر کے مقتول کے بھائی شاہد عارف کی مدعیت میں مقدمہ درج کرلیا۔مقتول کے بھائی شاہد عارف کے مطابق ندیم نے کرسچن خاتون کو اسلام قبول کرا کر اس کا نام عالیہ بی بی رکھا اور اس سے شادی کر لی تھی۔ عالیہ بی بی کے سابق خاوندسے 3بیٹے اور 2بیٹیاں ہیں ۔اس کے چھوٹے بیٹے جگنو کو والدہ کی ندیم سے شادی کا رنج تھا۔