کراچی( نوائے وقت رپورٹ) ملک کے مختلف شہروں میں گرمی کی شدت میں اضافہ ہوگیا۔محکمہ موسمیات کے مطابق بلوچستان کے علاقے سبی میں پارا 50 ڈگری سینٹی گریڈ کو چھو گیا جبکہ جیکب آباد،دادو، موئنجودڑو اور لاڑکانہ میں زیادہ سے زیادہ درجہ حرارت 48 ڈگری سینٹی گریڈ ریکارڈ کیا گیا۔روہڑی، پڈعیدن اور شہید بینظیر آباد میں پارا 47 ڈگری جبکہ لاہور میں درجہ حرارت 39، اسلام آباد میں 38 سینٹی گریڈ ریکارڈ کیا گیا۔محکمہ موسمیات کے مطابق کراچی میں 36 ڈگری سینٹی گریڈ ریکارڈ کیا گیا۔