نوشہرہ (نوائے وقت رپورٹ)  وزیر دفاع پرویز خٹک نے کہا ہے کہ پی ڈی ایم والے جلسے جلوسوں کا شوق پورا کرلیں۔ پی ڈی ایم نے پہلے بھی کہا تھا کہ دھرنا اور احتجاج کریں گے۔ نجی ٹی وی سے گفتگو کرتے  انہوں نے کہا کہ کہاں گیا ان کا دھرنا‘ کہاں گیا ان کا احتجاج؟۔ پی ڈی ایم کے غبارے میں جو ہوا تھی وہ نکل چکی ہے۔ چوتھا بجٹ بھی پاس ہو جائے گا اور پانچواں بجٹ بھی پاس ہوگا۔ عمران خان کی حکومت کا بجٹ کوئی بھی فیل نہیں کر سکتا ۔ بجٹ میں ٹیکسز نہیں لگیں گے۔ حکومت کی کارکردگی کا نتیجہ آنے والے الیکشن تک لوگوں کے سامنے آ جائے گا۔