وزیر اعظم عمران خان آج کوئٹہ اور زیارت کا ایک روزہ دورہ کریں گے
اسلام آباد (خبرنگار خصوصی) وزیر اعظم عمران خان آج کوئٹہ اور زیارت کا ایک روزہ دورہ کریں گے۔ وزیراعظم آفس کی جانب سے جاری پریس ریلیز کے مطابق وزیر اعظم عمران خان اپنے دورہ کے دوران کمانڈ اینڈ سٹاف کالج کوئٹہ جائیں گے، اس کے علاوہ وزیراعظم زیارت میں قائداعظم ریزیڈنسی کا دورہ بھی کریں گے اور وہاں خطاب بھی کریں گے، سرکاری ٹیلی ویژن پی ٹی وی وزیراعظم کا خطاب براہ راست نشر کرے گا۔
