لاہور (سٹی رپورٹر) ڈپٹی کمشنر لاہور مدثر نے کہا کہ لاہور کے شہریوں کے لئے بڑی خوشخبری ہے کہ پولیو کے ماحولیاتی نمونہ جات نیگٹو آ گئے ہیں۔ انہوں نے کہا کہ اس ماہ کے پولیو کے تمام ماحولیاتی نمونہ جات نیگٹو آئے ہیں۔ اس سے قبل بھی بھیجے گئے ماحولیاتی نمونہ جات نیگٹو آئے تھے۔ ڈی سی لاہور نے کہا کہ ماحولیاتی نمونہ جات کا نیگٹو ہونا پولیو مہم کی ایک بہت بڑی کامیابی کی طرف اشارہ ہے۔ گزشتہ کئی سالوں سے پولیو کے ماحولیاتی نمونہ جات مثبت آرہے تھے لیکن گزشتہ چار ماہ کے دورانیہ میں پولیو کے تمام تر ماحولیاتی نمونہ جات نیگٹو آئے ہیں۔