لاہور(نامہ نگار)شہر میں میں فائرنگ کے دو مختلف واقعات میں 2بھائیوں سمیت5افرا د زخمی ہو گئے ہیں۔ جنہیں طبی امداد کے لیے ہسپتال منتقل کر دیا گیاہے ۔تفصیلات کے مطابق نشتر کالونی کے علاقے مہر کالونی کا رہائشی 19سالہ سلیمان گھر سے ناشتہ لینے کے نکلا ،واپسی پرمحلے دارلیاقت وغیر نے اسے تلخ کلامی پر تشدد کا نشانہ بنا ڈالا ،اس دوران سلیمان کا والد اور بھائی طلحہ بھی وہاں آگئے۔جس پر ملزم لیاقت نے ان پر فائرنگ کر دی۔ جس کے نتیجے میں سلیمان اور طلحہ زخمی ہو گئے ہیں۔ لیاقت آباد کے علاقے میں لڑائی جھگڑے کے دوران فائرنگ کے نتیجے میں 30سالہ عابد ، 20سالہ داؤد اور عاشر زخمی ہو گئے ہیں۔ قلعہ گجر سنگھ کے علاقے میں منگنی کی تقریب کے دوران شہباز نامی نوجوان نے اپنے دوستوں کے ہمراہ گلی میں کھڑا ہو کر تقریب میں آنے والی خواتین پر فقرے کس رہا تھا۔جس پر حارث نامی نوجوان نے انہیں گلی میں کھڑا ہونے سے منع کیا تو ان میںتلخ کلامی ہو گئی ۔