لاہور(نامہ نگار)سٹی ٹریفک پولیس نے بغیر ماسک ڈرائیونگ پر گزشتہ روز میں 4347 گاڑیوں کے چالان کئے جبکہ کرونا ایس او پیز کی خلاف ورزی پر 50  پبلک سروس وہیکلز بھی بند کر دی گئیں ۔کرونا کی تیسری لہر میں مجموعی طور پر 03 لاکھ 65 ہزار گاڑیوں کے چالان کیے گئے۔ پبلک ٹرانسپورٹ میں کرونا ایس او پیز کی خلاف ورزی پر 79 مقدمات بھی درج کرا کر کرونا ایس او پیز کی خلاف ورزی پر 3215 پبلک سروس وہیکلز بند کروائی گئیں ہیں جبکہ 2 لاکھ 47 ہزار موٹرسائیکلوں کو چالان ٹکٹ اورپچاس فیصد سے زائد سواریاں بٹھانے پر 31 ہزار 353 پبلک ٹرانسپورٹ کو بھی چالان ٹکٹ جاری کیے گئے ہیں۔