لاہور (سپورٹس ڈیسک )پاکستان کے اعصام الحق قریشی اور آسٹریا کے اولیور مارچ پر مشتمل جوڑی فرنچ اوپن ٹینس ٹورنا منٹ کے مینز ڈبلز ایونٹ کے دوسرے رائونڈ میں پہنچ گئی ۔ اعصام الحق کی جوڑی نے پہلے رائونڈ میں میکسین سنٹیاگو گونزالیز اور برازیلین مارسیلو ڈی مولینر پر مشتمل جوڑی کو شکست دی ۔ اعصام الحق کی جوڑی نے پہلا سیٹ ہارنے کے باوجود کم بیک کیا اور اگلے دونوں سیٹ جیت کر دوسرے رائونڈ میں رسائی حاصل کرلی ۔ ان کی کامیابی کا سکور تین چھ ‘سات پانچ اور چھ دو رہا ۔ مینز سنگلز میں سربیاکے نوواک جوکووچ اور سپین کے رافیل نڈال اپنے اپنے میچز جیت کر ایونٹ کے دوسرے راونڈ میں پہنچ گئے۔ نمبر ون سیڈڈ کھلاڑی سربیاکے نوواک جوکووچ نے امریکہ کے سینڈگرن کو سٹریٹ سیٹس میں شکست دیکر اگلے راونڈمیں جگہ بنالی۔اگلے مرحلے میں جوکووچ کا مقابلہ یوروگوئے کے پیبلو کیواس سے ہوگا جنہوں نے فرانس کے لوکاس پاولی کو چھ ،تین ،چھ ایک اور چھ تین سے شکست دیکر اگلے مرحلے میں جگہ بنائی۔سپین کے رافیل نڈال نے بھی آسٹریلیا کے ایلکس پاپگرائن کو سٹریٹ سیٹس میں شکست دیکر ایونٹ کے دورے راونڈ میں جگہ بنالی۔ویمنز سنگلز میں کیرولین گارشیا کو دوسرے رائونڈ میں شکست ہو گئی ۔ انہیں پی ہر کوگ نے سات پانچ اور چھ چار سے شکست دی ۔ ڈی کاستکینا نے بی بینسک کو چھ دو او ر چھ دو سے ہرا کر ایونٹ سے باہر کر دیا ۔ اے بوگڈان کو جاپان کی نائومی اوساکا کے ایونٹ سے دستبردار ہونے پر واک اوور مل گیا ۔