لاہور(نامہ نگار) پیپلز پارٹی لاہور کے صدر حاجی میاں عزیز الرحمن چن کی ہدایت پر لاہور کے مختلف زونز میں روزانہ کی بنیادوں پر پیپلز پارٹی کی شہید چیئرپرسن بے نظیر بھٹو کی سالگرہ کی تقریبات کا سلسلہ جاری ہے۔گذشتہ روز بے نظیر شہید کی سالگرہ تقریب کا انعقاد طارق سعید جٹ نے جاتی عمرہ رائے ونڈ میں تارو گل گاؤں میں کیا۔تقریب میں صدر لاہور حاجی عزیز الرحمن چن، سنیئر نایب صدر محمد اشرف بھٹی۔ نائب صدر شعبہ خواتین ونگ وٹکٹ ہولڈر روبینہ سہیل بٹ ‘چودھری سلیم جاوید،غوث علی بٹ اور قاسم جٹ سمیت دیگر نے شرکت کی۔اس موقع پر عزیز الرحمان چن،اشرف بھٹی اور روبینہ سہیل بٹ نے ملکر کیک بھی کاٹا۔سالگرہ کی تقریب سے خطاب کرتے ہوئے حاجی عزیز الرحمن چن کا کہنا تھا کہ آنے والا وقت بلاول بھٹو زرداری کا ہے۔