گوجرانوالہ(نمائندہ خصوصی) چیمبرآف کامرس کے سینئر نائب صدر محمد اجمل اعوان نے سی ٹی او گوجرانوالہ سہیل فاضل سے ملاقات کی ۔ ملاقات میں انہوں نے کہا چیمبر میں موجود لائسنس کائونٹر پر لرنرکے علاوہ دیگر لائسنس سے متعلق سہولیات بھی فراہم کی جائیں۔تاکہ بزنس کمیونٹی کو ایک ہی چھت تلے ڈرائیونگ لائسنس کی تمام سہولیات باآسانی میسر ہوں ۔چیمبر میں قائم ڈرائیونگ لائسنس کائونٹر پر فی الحال لرنربنوانے کی سہولت ہے جبکہ آپ کے دورہ گوجرانوالہ چیمبر میں ہم نے دیگر ٹریفک مسائل کے ساتھ ساتھ چیمبر بلڈنگ میں موجود کائونٹر پر بزنس کمیونٹی کو لائسنس کی تمام سہولیا ت فراہم کرنے کی بھی درخواست کی تھی۔لہٰذا چیمبر آف کامرس کی گزارش پر عمل درآمد کیا جائے۔