لاہور(نامہ نگار)نواں کوٹ کے علاقے میں گھریلوجھگڑے پرباپ نے فائرنگ کر کے15سالہ سوتیلے بیٹے کو موت کے گھاٹ اتار دیا اورفرار ہو گیا ہے ۔تفصیلات کے مطابق نواں کوٹ کے علاقے میں گھریلوجھگڑے پرباپ بلا عرف اجی نے فائرنگ کر کے15سالہ سوتیلے بیٹے فاروق کو شدید زخمی کر دیااورموقع سے فرار ہو گیا ہے ۔ زخمی فاروق کو ہسپتال داخل کرا دیا گیا،مگر وہ جانبر نہ ہو سکا۔ پولیس نے نعش پوسٹ مارٹم کیلئے مردہ خانے جمع کرا کر تفتیش شروع کردی ہے ۔پولیس کے مطابق ملزم کی گرفتاری کیلئے چھاپے جاری ‘جلد گرفتار کرلیں گے۔