مانسہرہ (نوائے وقت رپورٹ) لساں نواب روڈ گوجرہ پل کے قریب مسافر گاڑی دریائے سرن ندی  میں گرنے سے ایک خاندان کے 7 افراد جاں بحق ہو گئے۔ مانسہرہ کے علاقے لساں نواب روڈ گوجرہ پل کے قریب ایک مسافر گاڑی (ہائی روف)  دریائے سرن ندی میں جاگری جس کے نتیجے میں 7 افراد جاں بحق اور 3 بچے اور ایک شخص زخمی ہو گئے۔ پولیس حکام کے مطابق حادثے میں 2 خواتین اور ایک بچے سمیت 7 افراد جاں بحق جبکہ 3 کمسن بچے شدید زخمی ہوئے ہیں۔ زخمی بچوں کو پھلڑہ اور میتوں کو کنگ عبداللہ ہسپتال منتقل کر دیا گیا ہے۔ مرنے والوں  میں ڈرائیور وزیر محمد، اعجاز، پرویز، فریدہ بی بی اور نگینہ بی بی شامل ہیں۔ تاہم ایک بچے کی شناخت نہیں ہو سکی۔