لاہور(سپورٹس رپورٹر)لاہور قلندرز کے فاسٹ بائولر حارث رؤف نے کہاہے کہ وہ پاکستان سپر لیگ 6 میں تیز سے تیز گیند کرکے بیٹسمینوں کو پریشان کرنے کی کوشش کرینگے۔ ٹیم میں نئے پلیئرز آئے ہیں، آپس میں گْھل مل چکے ہیں، ہدف یہی ہے کہ اپنی صلاحیتوں کے مطابق سو فیصد پرفارم کروں۔ تیز ترین بائولنگ کرنے اور بیٹسمین کے اعصاب سے کھیلنے کا پلان ہے، کسی ایک بیٹسمین کو ہدف نہیں بنایا ہے۔  اس بار کوشش کریں گے کہ ٹرافی ضرور اٹھائیں۔شاہین کیساتھ کمبی نیشن بنا ہوا ہے۔ میں پرفارم کروں یا شاہین آفریدی، اہم بات ٹیم کی جیت ہے۔