لاہور(سپورٹس رپورٹر)این سی او سی کی جانب سے کھیلوں پر پابندیوں کی نرمی کے بعد پاکستان ہاکی فیڈریشن نے ڈومیسٹک ہاکی سرگرمیوں کے آغاز کا اعلان کردیا۔ صدر پاکستان ہاکی فیڈریشن برگیڈیئر ر خالد سجاد کھوکھر سے سیکرٹری جنرل پی ایچ ایف آصف باجوہ کی ملاقات ہوئی۔ملاقات میں ایشین ہاکی فیڈریشن کے سی ای او/ سیکرٹری جنرل طیب اکرام چوہدری بھی شریک تھے۔پاکستان ہاکی فیڈریشن کے سیکریٹری جنرل اولمپیئن آصف باجوہ نے کہا کہ انشاء اللہ ہم پی ایچ ایف ڈومیسٹک سیزن کو بہترین انداز میں ترتیب دیں گے۔ کوشش ہے پی ایچ ایف کے زیر اہتمام جولائی میں ہاکی فائیو لیگ کے انعقاد کیا جائے جبکہ تیسرا چیف آف نیول سٹاف آل پاکستان ہاکی ٹورنامنٹ یکم تا آٹھ اگست کراچی میں کھیلا جائیگا۔سکے علاوہ ماڑی پیٹرولیم آزادی ہاکی کپ 8 تا 14 اگست ایوب پارک راولپنڈی میں کھیلاجائیگا۔مزکورہ ایونٹس میں پی ایچ ایف رینکنگ کی ٹاپ آٹھ ٹیمیں ایونٹ میں شریک ہونگیںجس میں میں واپڈا، نیشنل بینک، سوئی سدرن گیس، نیوی، ماڑی پیٹرولیم، ایئرفورس، پنجاب اور آرمی شامل ہیں۔ کوشش ہے کہ انٹرنیشنل ہاکی کو پاکستان میں لایا جائے جس سے پاکستان کی رینکنگ بہتر بنانے میں مدد ملے گی۔