لاہور(سپورٹس رپورٹر)پاکستان سپر لیگ کے سلسلہ میں کھیلے گئے میچ میں پشاور زلمی  نے کوئٹہ گلیڈی ایٹرز کو شکست دے کر پلے آف مرحلے سے باہر کردیا۔ ابوظہبی میں کھیلے گئے میچ میں پشاور زلمی نے 5وکٹوں پر 197رنز بنائے ۔ڈیوڈ ملر73‘رو مین پاول 43‘کامران اکمل 59رنز بناکر نمایاں رہے ۔ محمد نواز نے 2کھلاڑیوں کو آئوٹ کیا ۔ کوئٹہ گلیڈی ایٹرز کی ٹیم 9وکٹوں پر 136رنز بنا سکی ۔ سرفراز احمد 36اور عثمان خان 28رنز بناکر نمایاں رہے ۔ محمد عرفان نے تین جبکہ وہاب ریاض اور عمید آصف نے دو‘ دو کھلاڑیوں کو آئوٹ کیا ۔ڈیوڈ ملر کو میچ کا بہترین کھلاڑی قرار دیا گیا ۔