حویلی لکھا:پولیس تشدد سے نوجوان ہلاک، ورثا کا احتجاج ،پتھرائو،اہلکار زخمی
حویلی لکھا(نامہ نگار)حویلی لکھا کا نواحی علاقہ مہتاب گڑھ میدان جنگ بن گیا، پولیس کے شہری پر مبینہ تشدد کے خلاف مکینوں نے ٹائر جلا کر روڈ بلاک کر دی ، مظاہرین نے پولیس اہلکاروں کو تشدد کا نشانہ بنانے کے ساتھ پولیس وین کی توڑ پھوڑ کی ، پولیس نے ہوائی فائرنگ کرتے ہوئے مظاہرین کو منتشر کیا تو مظاہرین نے پتھرائو شروع کر دیا۔ پولیس چوکی اہلکاروں نے اعظم نامی نوجوان کو نشہ کرتے گرفتار کیا اور تشدد کا نشانہ بنایا جس پر علاقہ مکینوں نے پولیس کے خلاف شدید احتجاج کرتے ہوئے ملتان دہلی روڈ بلاک کر دیا ، ٹائروں کو آگ لگا دی ، پولیس کے موقع پر پہنچنے پر مشتعل مظاہرین نے پولیس پر پتھراؤ کیا ، گاڑی کو نقصان پہنچایا ، متعدد اہلکار زخمی ہوگئے۔
