کوئٹہ جانے والی مال گاڑی کی 6بوگیاں الٹ گئیں‘ جانی نقصان نہیں ہوا
چاغی (آئی این پی)کوئٹہ جانے والی مال گاڑی کی 6بوگیاں ٹریک سے اتر کر الٹ گئیں، ریلوے حکام کے مطابق حادثے کے بعد پاک ایران ریل سروس معطل ہوگئی،گھوٹکی اور کوٹری کے بعد ٹرین کا ایک اور حادثہ پیش آیا ہے، اطلاعات کے مطابق چاغی میں کوئٹہ جانے والی مال گاڑی کی 6بوگیاں ٹریک کی خستہ حالی کے باعث پٹری سے اتر گئیں،خوش قسمتی سے کوئی جانی نقصان نہیں ہوا تاہم بوگیوں میں موجود مال زمین پر بکھر گیا، ٹریک کی مخدوش حالت اور پٹری پر پڑی ہوئی ریت کے ڈھیر مزید کسی حادثے کا سبب بن سکتے ہیں، پاک ایران ریلوے ٹریک پر جگہ جگہ جمع ریت حادثات کا باعث بننے لگی، پاک ایران ریلوے ٹریک کی حالت انتہائی بوسیدہ ہوچکی ہے جس کی ازسرنو مرمت کی ضرورت ہے۔
