لاہور(سپورٹس رپورٹر)ملتان سلطانز کے شاہ نواز دھانی پاکستان سپر لیگ کے چھٹے ایڈیشن میں اب تک سب سے زیادہ وکٹیں لینے والے بائولربن گئے۔انہوں نے لاہور قلندرز کے خلاف میچ میں چار کھلاڑیوں کو آؤٹ کیا جس کے ساتھ ان کی وکٹوں کی تعداد 17 ہوگئی اور وہ ابوظہبی میں جاری ایڈیشن کے لیڈنگ وکٹ ٹیکر بن گئے۔لاہور قلندرز کے شاہین شاہ آفریدی کی وکٹوں کی تعداد 16 اور پشاور زلمی کے وہاب ریاض کی وکٹوں کی تعداد 14 ہے۔شاہین آفریدی نے ملتان کے خلاف میچ میں 3 کھلاڑی آؤٹ کرکے پی ایس ایل میں مجموعی طورپر وکٹوں کی نصف سنچری کی تھی۔وہ یہ کارنامہ انجام دینے والے چھٹے بائولر ہیں، ان سے قبل وہاب ریاض، حسن علی، محمد نواز، محمد عامر اور فہیم اشرف بھی پچاس پی ایس ایل وکٹیں لے چکے ہیں۔