امریکہ: پریڈ کے دوران ٹرک لوگوں پر چڑھا گیا، ایک ہلاک، 2زخمی
واشنگٹن(اے پی پی)امریکی ریاست فلوریڈا میں پریڈ کے دوران ایک شخص نے ٹرک لوگوں پر چڑھا دیا جس کے نتیجے میں ایک شخص موقع پر ہلاک جبکہ 2 زخمی ہوگئے ہیں ۔ امریکی ذرائع ابلاغ کے مطابق پولیس حکام نے بتایا کہ واقعے میں ایک شخص ہلاک جبکہ 2 زخمی ہوگئے ہیں ۔ پولیس نے لوگوں پر ٹرک چڑھانے والے ڈرائیو رکو گرفتار کر لیا ہے۔ حکام کا کہنا ہے کہ واقعے کی تحقیقات شروع کر دی گئی ہیں ۔ فوری طور پر یہ معلوم نہیں ہو سکا کہ یہ حا دثہ تھا یا ڈرائیور نے جان بوجھ کر ٹرک لوگوں پر چڑھایا ہے۔
