اولمپک ڈے کے حوالہ سے نمائشی ہاکی میچز و تقریبات ہونگی
لاہور( سپورٹس رپورٹر) اولمپک ڈے کو شایان شان طریقے سے منانے اور اولمپکس کی تاریخ میں اقوام عالم میں سبز ہلالی پرچم بلند کرنے والے پاکستان قومی ہیروز کو خراج پیش کرنے کے لئے پاکستان ہاکی فیڈریشن کی ہدایات پر تمام ملحقہ یونٹس میں نمائشی میچز اور تقریبات منعقد ہونگیں۔ اس سلسلہ میں کے پی کے ہاکی ایسوسی کے زیراہتمام سینئر و جونیئر ہاکی ٹیموں پر مشتمل چار ٹیمیں لالہ ایوب سٹیڈیم پشاور میں نمائشی میچز کھیلیں گی۔ اولمپک ڈے کے حوالہ سے سیکرٹری جنرل پاکستان ہاکی فیڈریشن اولمپین آصف باجوہ نے اپنے پیغام میں کہا کہ اولمپک ڈے کو پاکستان ہاکی فیڈریشن شایان شان انداز میں منائے گی۔
