لاہور (سپورٹس رپورٹر) ملتان سلطانز کی ٹیم پشاور زلمی کو54رنز سے شکست دے کر پہلی بار پاکستان سپر لیگ6 کی چیمپئن بن گئی۔ ابو ظہبی میں کھیلے گئے فائنل میچ میں پشاور زلمی کے کپتان وہاب ریاض نے ٹاس جیت کر فیلڈنگ کا فیصلہ کیا ۔ ملتان سلطانز  نے 4وکٹوں پر 206رنز بنائے ۔ شان مسعود 37‘کپتان محمد رضوان 30‘رائیلی روسو50‘جانسن چارلس صفر پر آئوٹ ہوئے ۔صہیب مقصود65اور خوشدل شاہ 15رنز پر ناٹ آئوٹ رہے ۔ ثمین گل اور محمد عمران نے دو دو کھلاڑیوں کو آئوٹ کیا ۔ پشاور زلمی کی ٹیم9وکٹوں پر 159رنز بناسکی ۔ کامران اکمل 36‘حضرت اللہ زازئی 6‘جونا تھن ویلز 6‘شعیب ملک48‘روومین پاول 23‘شرفین ردر فورڈ 18‘کپتان وہاب ریاض صفر‘محمد عمران صفر‘ثمین گل صفر پر آئوٹ ہوئے ۔ ثمین گل سات اور محمد عرفان صفر پرناٹ آئوٹ رہے ۔ عمران طاہرنے تین ‘عمران خان ‘بلیسنگ موزاربانی نے دو‘ دو کھلاڑیوںکو آئوٹ کیا ۔