لاہور(سپورٹس رپورٹر)عمان کی قومی کرکٹ ٹیم کے کھلاڑی خاور علی کو لاہور ایئرپورٹ پر آف لوڈ کردیا گیا، غیر ملکی ایئرلائن انتظامیہ نے خاور علی کو مقررہ وزن سے زیادہ سامان لانے پر آف لوڈ کیا۔لاہور ایئرپورٹ حکام کے مطابق عمانی کرکٹر خاور علی نے غیر ملکی ایئرلائن کے ذریعے مسقط جانا تھا۔بورڈنگ کے وقت ان کا سامان 17 کلو زیادہ نکلا جس پر انھیں جرمانہ دینے یا سامان چھوڑنے کا کہا گیا۔خاور علی بروقت جرمانہ ادا کرسکے اور نہ ہی سامان چھوڑ کر جانے پر آمادہ ہوئے، اس لیے انہیں آف لوڈ کردیا گیا۔