اسلام آباد (خصوصی نامہ نگار) بلوچستان کے علاقے ہوشاب میں دیسی ساختہ بم دھماکے کے نتیجے میں ایف سی کا سپاہی شہید ہوگیا ہے۔ آئی ایس پی آر کے مطابق دہشت گردوں نے ہوشاب کے علاقے میں ایم-8 پر ایک پانی کے ٹینکر کو دیسی ساختہ بارودی دھماکہ خیز مواد سے نشانہ بنایا جس سے ایف سی بلوچستان کے اہل کار نے جام شہادت نوش کیا۔ دہشت گردوں کی تلاش کے لیے علاقے میں سرچ آپریشن شروع کردیا گیا ہے، آئی ایس پی آر کا کہنا ہے کہ دشمن ایجنسیوں کے ایما پر اس طرح کے بزدلانہ واقعات بلوچستان میں مشکل سے حاصل کیے گئے امن کو سبوتاژ نہیں کرسکتے۔ سکیورٹی فورسز اپنی جانوں کا نذرانہ دے کر ملک دشمن عناصر کے ناپاک عزائم کو ناکام بنانے کے لیے پرعزم ہیں۔