ڈاکٹر عبدالرزاق کی دینی خدمات کو ہمیشہ یاد رکھا جائیگا:قاری مشتاق
پتوکی(نمائندہ خصوصی ) عالمی مجلس تحفظ ختم نبوت کے امیر اور وفاق المدارس العربیہ پاکستان کے صدرشیخ المشائخ ڈاکٹر عبدالرزاق سکندر کی وفات قومی سانحہ ہے ، دنیا بھر میں دینی حلقوں کیلئے علمی نقصان ہے ،انکی دینی و ملی خدمات کو ہمیشہ یاد رکھا جائے گا۔ ان خیالات کا اظہار قاری محمد مشتاق رحیمی مسئول وفاق المدارس العربیہ ضلع قصورنے جامعہ عبداللہ بن عباس پتوکی کہنہ میں وفاق المدارس العربیہ پاکستان کے زیر اہتمام ضمنی امتحانات کا سینٹر کے انتظامات کا معائنہ کرتے کیا ، اس موقع پر جامعہ عبداللہ بن عباس کے ناظم اشرف اٹھوال ،قاری نور محمد شاکر ،مولانا عبدالجبار ،مولانا عبدالعزیز ، مولانا عبدالمجید امجد ، مولانا حافظ رضا القاسمی، مولانا محمد رمضان و دیگر بھی موجود تھے ۔
